နင်ကလည်း နင်ချစ်တဲ့ နင့်ချစ်သူရဲ့ အချစ်ကိုရဖို့
ဘုရားသခင်ထံမှာ ဆုတောင်းတယ်
ငါကလည်း ငါချစ်တဲ့ နင့်ရဲ့ အချစ်ကို ရဖို့
ဘုရားသခင်ထံမှာ ဆုတောင်းတယ်
ဘယ်ဆုတောင်းကို ဘုရားသခင်ဖြည့်ပေးမှာလဲ……
ဆုပေါင်းတထောင်တောင် မပြည့်တဲ့
ထီပေါက်စဉ်အတွက်
လူ သိန်းသောင်း ဝိုင်းဆုတောင်းကြတဲ့ အခါ
ဘယ်သူ့ဆုတောင်းကို ဘုရားသခင် ဖြည့်ပေးမှာလဲ………
တောင်းတဲ့ဆုပြည့်စေလို့ ဆိုတဲ့အခါ
ငါချစ်တဲ့ နင်ကလည်း ငါ့ကိုချစ်
နင်ချစ်တဲ့ နင့်ချစ်သူကလည်း နင့်ကိုချစ်နဲ့
ကြာကူလီဇာတ်လမ်းတွေ
နှစ်ပင်လိမ် သုံးပင်လိမ်ဇာတ်လမ်းတွေ မှိုလိုပေါက်လာလိမ့်မယ်………
အာဏာမြဲဖို့ ယတြာချေသူနဲ့
အုပ်ချုပ်သူပြောင်းဖို့ ဆုတောင်းသူ
ဖြေရှင်းသူက စစ်ပွဲဖြစ်လာတယ်…….
အကြမ်းဖက်မှုဖြစ်လာတယ်………
ဘုရားသခင်ကတော့ အကျီစားသန်ခဲ့တာမဟုတ်ပါဘူး
ငါတို့ကိုယ်တိုင်ကပဲ ဆန္ဒတွေကို
အထားအသို မတတ်ခဲ့တာ…………….
လူမော်
