ကျွန်တော်က ရုန့်ရင်းကြမ်းတမ်း
ဒါပေမယ့် ပန်းအလှကိုမှ
မှန်းမိသူပါ....
ကျွန်တော်က ကမ်းဝေးလမ်းပျောက်
နေလိုလလို တောက်ပသူကိုမှ
တမ်းမိသူပါ.....
ကျွန်တော်က ဆင်းရဲမွဲကပ်
ဘဝအထပ်ထပ်အမြင့်က သူကိုမှ
လှမ်းမိသူပါ.....
ကျွန်တော်က ပေပွရှုပ်ခက်
ရှင်းသန့်မြတ်တဲ့သူကိုမှ
မက်မိသူပါ.....
ကျွန်တော်က သေရည်ရစ်မူး
စည်းတွေကို ဆူးလိုခြားတဲ့သူကိုမှ
ဆက်မိသူပါ.......
ကျွန်တော်က နစ်ဝင်ချစ်ဆူး
အချစ်တွေ ရူးခဲ့ပေမယ့်
ရွှေငွေဝိုင်းဖက်
ကျောက်တလက်လက်တွေဝိုင်း
ကျွန်တော့်ဘဝကို အရိုင်းလို့ ထင်သူကိုမှ
အချစ်တွေ ဆက်သခဲ့မိသူပါ.........
နေဦး
(၂၀၁၀ နိုဝင်ဘာ ၉၊ ည ၉း၄၇)
