ရိုးသားမှုတွေ
ငယ်စဉ်ကတည်းက
ပြုစုပျိုးထောင်လာခဲ့ရာက
အရွယ်ရောက်မှုနဲ့အတူ
အပျိုရည်ပျက်သွား
ခင်ဗျားတို့ နားခါးကြသလားဗျာ....
အလင်းတွေ တောက်ပြရာ နေရာတလျှောက်
ကျွန်တော်တို့လည်း ရောင်တော်ပြန်တွေ ပေါက်ခဲ့ကြပေါ့
ဒါ နေရဲ့ အလင်းလား
လရဲ့ အလင်းလား
ဘယ်သူများ မေးခဲ့ကြတာမို့......
ပြေလည်ရာ ပြေလည်ကြောင်း
ငါးပွက်ရာ ငါးစာရောင်းထွက်တုန်းက
ငါးစာချချင်သူများအကြား
ကျွန်တော် အတော်တော့ စီးပွားဖြစ်ခဲ့သား.......
ဖားသားကို ကြိုက်သူတွေနဲ့
စကားစမြည်ပြောဖို့
ကျွန်တော်ကတော့ အသားတန်း အသွေးတန်းကိုပဲ ရွေးတယ်.........
ကျွန်တော်လည်းလေ
ပါးစပ်ရဲရဲဟနိုင်ဖို့ အရေး
ကာရာအိုကေဆိုင်များများထိုင်
အယ်ကိုဟောတွေ များမျာသောက်
အခုခေတ်ဟာ ပေါက်တတ်ကရ ပြောတတ်မှ
လူအထင်ကြီးတဲ့ ခေတ်မလား.......
Branded ဖြစ်တဲ့ အင်္ကျီကိုဝတ်
လူအထင်ကြီးစေတဲ့ ဖုန်းကိုကိုင်
ဈေးကြီးပါတယ်ဆိုတဲ့ အိတ်ကိုဆွဲ
အထဲက ဒီအကောင်က စိတ်တွေ ဘယ်လောက်ပုပ်ပွနေလဲ
လူတွေထဲမှာ ရွှိုင်းတယ်ဆိုလား ဘာဆိုလားပဲ....
ကျွန်တော်လည်း
တနေ့ထက် တနေ့
တနေ့ထက် တနေ့
ဝေးသထက် ဝေးလာခဲ့တဲ့ ရင်နဲ့
အဇ္ဈတစိတ်သဏ္ဍာန်အမှန်ကို ကျရှုံးမှုတွေ မြန်မြန်လာတယ်.........
နေဦး
(၂၀၁၀ ဒီဇင်ဘာ ၂၊ ညနေ ၆နာရီ)
