ကျော်လွန်ခဲ့ပြီလေ
ခရစ္စမတ်ရယ်
သိုးဆောင်း နှစ်သစ်ကူးရယ်
နှင်းတွေ ဖြူဖြူ မကျလည်း
ငါတို့ ဂွမ်းစ ဖြူဖြူတွေနဲ့ အသားကျနေသလိုပါပဲ
မဟုတ်မှန်းသိလည်း
အကျေနပ်ကြီး ကျေနပ်နေတာမျိုးမလား
ဖိုးတွမ်တီးဆိုတာ
ဖုံးဖုံးကွယ်ကွယ် မြင်ကောင်းတော့လည်း
လူကျေနပ်စရာကြီးလေ.......
ဒီနေ့ဆို ဇန်နဝါရီ ၄ရက်မို့
ငါတို့ တိုင်းပြည် မွေးရက်ရောက်ပြီပေါ့
ငါတို့ ၄း၂၀ နဲ့ လွတ်လပ်ခဲ့
အကျေနပ်ကြီး ကျေနပ်နေသူတွေကလည်း
စည်းစိမ်တွေမူးလို့
မကျေနပ်ခြင်းများစွာနဲ့ မကျေနပ်သူတွေကလည်း
ဒေါသတွေ တရှုးရှုးနဲ့ပေါ့
ငုတ်တုတ်ထိုင်နေရင်း
ကျွန်တော်လည်း ကယ်တင်ရှင် မင်းလောင်းမျှော်ဆဲ
အစားလည်း မပျက်
အအိပ်လည်း မပျက်
ပါးစပ်ကတော့ ဂါထာတွေ ထထရွတ်တတ်တယ်
ဖိုးတွမ်တီးနဲ့ အသားကျနေဆဲပဲ.......
နေဦး
(၂၀၁၁ ဇန္နဝါရီ ၄၊ ညနေ ၆နာရီ)
