Tuesday, April 27, 2010

သူတို့ညီနောင် နှင့် ကျွန်တော် (ဆရာဇော်ဂျီ)

   သူတို့ညီနောင်ဆိုသည်မှာ တကောင်းမင်း
အဘိရာဇာ၏ သားတော်များဖြစ်ကြသာ
ကံရာဇာကြီး နှင့် ကံရာဇာငယ်တို့ ဖြစ်ပါသည်။
 တကောင်းပြည်ထီးနန်းကို ထိုညီနောင်
နှစ်ပါးလုခဲ့ကြ သည်မှာ ကျွန်တော်တို့
ရာဇ၀င်၏ ကနဦးခေတ်ပိုင်းကဖြစ်ရာ
ကြာလှပါပြီ။ သို့ရာတွင် ထိုညီနောင်
နှစ်ပါးအကြောင်း ကို စဉ်းစားမိသည့် အခါတိုင်း
ကျွန်တော့်အတွေးနှင့် ကျွန်တော် ရင်လေးမိတတ်ပါသည်။

       ကျွန်တော်တို့ ကျောင်းသားအရွယ်က ထိုညီနောင်နှစ်ပါ ထီးနန်းလုကြပုံ အကြောင်းကို ကျောင်းဖတ်စာအုပ်၌ ဖတ်ခဲ့ရပါသည်။ ထိုအကြောင်းကို အချို့သော စာဖတ်ပရိသတ်လည်း ဖတ်ပြီးဖြစ် မယ်ဟု ထင်ပါသည်။ သို့ရာတွင် ကျွန်တော် ရင်လေးမိတတ်သည့် အကြောင်းကို ပြောမပြမီ ထိုညီနောင် နှစ်ပါး ထီးနန်းလုကြပုံ အကြောင်းကို ထပ်၍ ပြောပြဖို့ လိုပါလိမ့်ဦးမည်။

       တကောင်းပြည်တွင် အဘိရာမင်းကံ ကုန်သောအခါ သားတော် ကံရာဇာကြီးနှင့် ကံရာ ဇာငယ်တို့သည် တကောင်းပြည်ထီးနန်းအတွက် လက်ရုံးစစ်ထိုးရန်ပြင်ကြသည်ဟု ဆိုပါသည်။ ထိုအခါ အမတ် ပညာရှိတို့က အရှင့်သားတို့သည် လက်ရုံးစစ်ကို မထိုးကြပါကုန်လင့်။ ကုသိုလ်စစ်ကိုသာ ထိုးကြပါ လေဟု နားတော်လျှောက်ကြလေကုန်၏။ ကုသိုလ်စစ်ဆိုသည်ကား အဘယ်နည်းဟု ညီနောင် နှစ်ပါးက မေးကြရာ အလှုမဏ္ဍပ်နှစ်ဆောင်ကို တစ်ယောက် တစ်ဆောင်စီ ညတွင်းခြင်း ပြိးအောင် ဆောက်ကြပါ။ အလျှင်ပြီးအောင် ဆောက်နိုင်သူသည် တကောင်းပြည်ထီးနန်းကို ဆက်ခံထိုက်သူ မည်ပါသည်။ ထိုသို့ပြု ခြင်းသည် ကုသိုလ်စစ်ထိုးခြင်းဖြစ်ပါသည်ဟု လျှောက်ထားကြလေသည်။
        ညီနောင်နှစ်ပါးလည်း ကောင်းပြီဟုဝန်ခံ၍ အလှုမဏ္ဍပ်ဆောက်ကြလေသည်။နောင်တော် ကံရာဇာကြီးသည် မိမိ၏ အလှုမဏ္ဍပ်ကို သစ်ကြီး ၀ါးကြီးဖြင့်ဆောက်သည်။ ညီတော် ကံရာဇာငယ်သည် မိမိ၏ အလှုမဏ္ဍပ်ကို သစ်ငယ် ၀ါးငယ်ဖြင့် ဆောက်၍ ဖျင်ဖြူပတ်ခြင်း၊ ထုံးဖွေးဖွေး သုတ်ခြင်းတို့ကို ပြုလေသည်။ နံနက် မိုးသောက်လတ်သော် ကံရာဇာကြီး၏ အလှုမဏ္ဍပ် အပြီးသို့ မရောက်ခြေ။ ကံရာဇာ ငယ်၏ အလှုမဏ္ဍပ်သာလျှင် အပြီးသို့ရောက်လေသည်။ ထို့ကြောင့် ကံရာဇာကြီးသည် အထက် စကားက တိရှိသည့်အတိုင်း တကောင်းပြည်ထီးနန်းကို ကံရာဇာငယ်လက်သို့ အပ်၍ တကေင်းမြို့မှ ခွာလေသည်။ ဤကား သူတို့ညီနောင်နှစ်ပါး ထီးနန်လုကြပုံ အကြောင်းဖြစ်ပါသည်။
          ကျွန်တော်သည် ထိုအကြောင်းကို ပထမဖတ်ရစဉ်က ကံရာဇာငယ်၏ အမူအရာကို
လက်ခုပ်တီး၍ အများကြီးချီးကျူးလိုက်ပါသည်။ ကံရာဇာငယ်သည် ဥာဏ်ကောင်းလေစွ။ မဖြစ်လျှင်ဖြစ် အောင် လုပ်တတ်လေစွ။ နောင်အခါ၌ကား ကျွန်တော်သည် ကံရာဇာငယ်၏ အမူအရာကို သံသယ ဖြစ်လာပါတော့သည်။
         ရှေးဦးစွာ တကောင်းပြည်၏ နိုင်ငံရေးဝါဒနှင့် နိုင်ငံရေး ခြေလှမ်းတို့ကို ကျွန်တော် ဤသို့ မှန်းကြည့်သည်။ အဖေကိုသားကသတ်၍၊ အစ်ကိုကို ညီကသတ်၍၊ ဦးရီးကိုတူကသတ်၍ ထီးနန်းကို ယူနိုင်လျှင် ရခွင့်ရှိသည်ဟူသော ထီးမွေနန်းမွေဆက်ခံရေး သဘောတရားကို ကမ္ဘာပေါ်တွင် မည်သူက စတင်ဖန်တီးခဲ့သည်ဟု ကျွန်တော်မသိပါ။ သို့ရာတွင် ထိုသဘောတရားကို နှစ်သက်လက်ခံခြင်းသည် ခေတ်ဆန်သည် တိုးတက်သည်ဟု ယူဆထားကြလေသလားမသိ။ တကောင်းပြည်တွင် ထိုသဘောတရား ရှိနေနှင့်လေသည်။ ထို့ကြောင့်သာလျှင် အဘိရာဇာ ကံကုန်သောအခါ သားတော် ကံရာဇာကြီး ထီးထီး မားမား ရှိနေပါလျှက် သားတော်ကံရာဇာငယ်သည် နောင်တော်သော၊ ဘာသော ညာသော နားမလည် တကောင်းပြည်ထီးနန်းကို ငါ့လက်သို့ အပ်ရမည်ဟု ဓားကြိမ်းကြိမ်းဝံ့ခြင်းဖြစ်သည်ဟု ယူဆနိုင်လေသည်။
ပုံပန်းမှာ အဘိရာဇာ နာမကျန်းဖြစ်နေစဉ်အခါကပင် ကံရာဇာငယ်သည် ကြိုတင်ပြင် ဆင်သော အနေဖြင့် နောက်ပိုင်းအစည်းအဝေး ခဏခဏခေါ်၍ စက်ပုန်းခုတ်ခြင်း၊ လူမျိုးဘာသာမရွေး၊ ကျားမ မရွေး ပြုံးနိုင်သမျှ ပြုံးပြခြင်း၊ ငါ့မုန့် တဖဲ့စားစေ၍ ငါ့အိတ်ထဲသို့ ၀င်နိုင်သမျှ ၀င်စေခြင်း စသည် တို့ကို ပြုလုပ်ထားပုံရလေသည်။ နောင်တော် ကံရာဇာကြီးမှာကား ထိုသို့မဟုတ် နောင်တော်ဖြစ်သည့် အတိုင်း ထီးနန်းကို အေးအေးသာသာရလိမ့်မည်အထင်နှင့် အေးအေးသာသာနေခဲ့ပုံ ရလေသည်။ ထို့ကြောင့်သာလျှင် ကံရာဇာငယ်က ဓားကြိမ်းကြိမ်း လိုက်သောအခါ ကံရာဇာကြီးမှာ မည်သို့မျှ မတတ် နိုင်။ ကိုရွှေဝန်တို့၏ ကုသိုလ်စစ် စကားနားမထောင်ချင်ဘဲ နားထောင်လိုက်ရသည်ဟု ထင်မိပါသည်။ ဤကားတကောင်းပြည်၏ နိုင်ငံရေးဝါဒနှင့် နိုင်ငံရေးခြေလှမ်းတို့ကို ကျွန်တော် မှန်းကြည့်လိုက်ခြင်း ဖြစ်ပါသည်။
             ထို့နောက် ကံရာဇာငယ်၏ အမူအရာအား ကျွန်တော်သံသယဖြစ်လာပုံကို ဆက်၍ ပြောပြခြင်ပါသေးသည်။ ကိုရွှေဝန်တို့၏ ကုသိုလ်စစ်စကားကို ညီနောင် နှစ်ပါးလက်ခံပြီးသည် နောက်ပိုင်း တွင် ညီနောင်နှစ်ပါး၏ အလှုမဏ္ဍပ်ကို တယောက်တစောင်စီ ညဥ့်တွင်းခြင်းပြီးအောင် ဆောက်ကြရန်သာ ကျန်ပါတော့သည်။ ထို့ကြောင့် ညီနောင်နှစ်ပါးသည် တပည့်လက်သားများကိုခေါ်၍ တောသို့သွားကြ သည်။ သစ်ဝါးခုတ်ကြသည်။ သယ်လာကြသည်။ မဏ္ဍပ်ဆောက်ကြသည် ရှုလော့ အရုဏ်တက်တွင် ကံရာ ဇာငယ်၏ အလှူမဏ္ဍပ်သည် ဖြူဖြူဖွေးဖွေးငေးကြည့် ရမတတ်ဖြစ်သည်။ အလွင် အကျော့ ကော့၍၊ မော့၍၊ ကြွ၍၊ ပျံ၍ နေသည်။ ကံရာဇာကြီး၏ အလှူမဏ္ဍပ်မှာမူကား တပိတပိုင်းသာ ပြီးသေးသည်။ ကံရာဇာငယ် အောင်ပြီ ကံရာဇာငယ် တကောင်းပြည် ထီးနန်ကို သိမ်းပြီ။
        သို့ရာတွင် ကျွန်တော်တို့သည် ကံရာဇာငယ်ဆောက်သော အလှူမဏ္ဍပ်၏ သဘောကို ရာဇ၀င်ဆရာမှ တဆင့်သိပြီးဖြစ်ကြပါသည်။ ရာဇ၀င်ဆရာ၏ အဆိုအရ ကံရာဇာငယ်၏ အလှူမဏ္ဍပ်သည် သစ်ငယ်ဝါးငယ်မျှသာဖြစ်သည်။ ဖျင်ဖြူပတ်ထားခြင်းမျှသာဖြစ်သည်၊ ကံရာဇာငယ်သည် ဥာဏ်ကောင်းပါ၏။ မဖြစ်လျှင် ဖြစ်အောင် လုပ်တတ်ပါ၏။ လုပ်သဖြင့် ဖြစ်လည်း ဖြစ်ပါ၏။ သို့ရာတွင် ဖြစ်လာသော အလှူမဏ္ဍသည် တကယ့် မဏ္ဍပ်မဟုတ် စိတ်ကူးယဉ် မဏ္ဍပ်သာတည်။ အခိုင်အခံ့ မဟုတ် ဖြစ်ကတတ်ဆန်းသာတည်။ စေတနာမဟုတ် ပြရုပ်သာတည်း။ ကံရာဇာငယ်သည် ထိုအလှူမဏ္ဍပ်မျိုး၌ တကောင်းပြည်သူလူထုအား အလှူပေးလျှင် မည်သည့်နည်းနှင့်မျှ အဓွန့်ရှည်စွာ အလှူပေးနိုင်မည် မဟုတ်ချေ။ အလွန်ဆုံး သုံးလေးလမျှလောက်သာ အလှုပေးနိုင်မည်။ တကောင်းမိုး တကောင်းလေတို့နှင့် သင့်မြတ်အောင် ဆောက်ခြင်း မဟုတ်သောကြောင့် ထိုအလှူမဏ္ဍပ်သည် သုံးလေးလကြာလျှင် ယိုင်လဲပြိုကွဲရမည်သာ ဖြစ်လေသည်။ ကံရာဇာငယ်၏အမူအရာကို ကျွန်တော်ချီူးကျူးလာရာမှ သံသယဖြစ်လာရသည်မှာ ထိုအကြောင်းကြောင့်ပင် ဖြစ်ပါသည်။
           ထို့နောက် တကောင်းပြည်အတွက် ရင်လေးမိတတ်သည့် အကြောင်းကို ပြောပြပါ တော့မည်။ ရင်လေးမိတတ်သည်မှ ပထမတွင် ကံရာဇာကြီးသည်လည်းကောင်း၊ ကိုရွှေဝန် တို့သည် လည်းကောင်း၊ တကောင်းပြည်သူလူထုသည်လည်းကောင် ရိုးလွန်း အလွန်း နလွန်းကြသည်ဟု အထင် ရှိလိုက်ခြင်းကြောင့် ဖြစ်ပါသည်။ ကံရာဇာကြီးသည် စိတ်ကူးယဉ်မဏ္ဍပ်၊ ဖြစ်ကတတ်ဆန်း မဏ္ဍပ်၊ ရုပ်ပြ မဏ္ဍပ်တို့ကို အဘယ်ကြောင့် ကန့်ကွက်ခြင်းမပြုဘဲ နေပါသနည်း။ ကိုရွှေဝန်တို့သည် ထိုမဏ္ဍပ်ကို အဘယ်ကြောင့် ပယ်ချခြင်းမပြုဘဲ နေကြပါသနည်း။ တကောင်းပြည်သူလုထုသည် ထိုမဏ္ဍပ်ကို အဘယ် ကြောင့် လူထုအုံကြွနည်းဖြင့် တိုက်ဖျက်ခြင်း မပြုဘဲ နေကြပါသနည်း။
          အကယ်၍ ထိုသူတို့သည် ထိုမဏ္ဍပ်ကို တကယ့်မဏ္ဍပ် အခိုင်အခံမဏ္ဍပ်၊ စေတနာ မဏ္ဍပ် ဟူ၍ ယုံကြည်ကြသည် ဖြစ်လျှင် ထိုသူတို့သည် အကယ်ပင် ရိုး လွန်း၊ အ လွန်း၊ န လွန်း ကြသည်ဟု ဆိုရာသည်။ ထိုသူတို့သည် ထိုမျှလောက် ရိုး လွန်း၊ အ လွန်း၊ န လွန်း လိမ့်သည်ဟု ကျွန်တော်မထင်ပါ။ ထိုသူတို့သည်လည်း မဏ္ဍပ်ဆောက်တတ်သူများပင်ဖြစ်ပါသည်။ ကံရာဇာငယ်၏ အလှူမဏ္ဍပ်ကို အဝေး မှသာကြည့်ရစေကာမူ သစ်ငယ်ဆောက်၊ ၀ါးငယ်ဆောက်၊ ဖျင်ဖြူပတ်၊ ထုံးဖြူသုတ် မဏ္ဍပ်ဖြစ်သည်ကိုကား ခွဲခြား၍သိမြင်ကြမည်သာ ဖြစ်လေသည်။
          ထိုသို့ တပြီးကား ကံရာဇာကြီးက ကန့်ကွက်ခြင်းမပြူဘဲနေသည်မှာ လောဘဇော တိုက်နေသော ညီတော် ကံရာဇာငယ်ကို စက်ဆုတ်သောကြောင့် ပေလော။ စက်ဆုတ်သောကြောင့် ဟုဆို လျှင် တကောင်းပြည်မှ ကံရာဇာကြီး ခွာသွားခြင်းသည် အသေ၀နာစ ဗာလာနံ ပုဒ်အရ မင်္ဂလာရှိသော ခွာသွားခြင်းပေဟု ဆိုရာသည်။ တဖန် ကိုရွှေဝန်တို့က ပယ်ချခြင်း မပြုဘဲနေကြသည်မှာ ကံရာဇာငယ်ထံမှ စားပေါက် စားလမ်းကို မျှော်မှန်းကြသောကြောင့်ပေလော။ မျှော်မှန်းကြသောကြောင့်ဆိုလျှင် တကောင်း ပြည်၌ ခေါင်ကစ မိုးယိုနေပြီ ဖြစ်သဖြင့် သနားစရာသာ ဖြစ်တော့သည်။ တဖန် တကောင်းပြည်သူလူထုက တိုက်ဖျက်ခြင်း မပြုဘဲနေကြသည်မှ တိုင်းပြည်အရေးသည် ငါတို့ အရေး၊ ငါ့တို့ အရေးသည် တိုင်းပြည်အ ရေးဟူသောအချက်ကို သဘောမပေါက်ကြသောကြောင့်ပေလော။ သဘောမပေါက်ကြသောကြောင့်ဟု ဆိုလျှင် တကောင်းပြည်သူလူထုထဲ၌ ဘယ်သူသေသေ ငတေမာပြီးရောသမား အတော်ခပ်များများ ရှိနေ သေးသဖြင့် သနားစရာသာဖြစ်တော့သည်။
          သို့ရာတွင် ကံရာဇာကြီးသည် စက်ဆုတ်သောကြောင့် ခွာသွားသည်ဟု ကျွန်တော်မထင်ပါ။ စက်ဆုတ်သည်ဖြစ်လျှင့် ကံရာဇာကြီးသည် ကုသိုလ်စစ်ကိုပင် ထိုးတော့မည် မဟုတ်ပါ။ ကိုရွှေဝန်တို့သည်လည်း စားပေါက် စားလမ်းကို မျှော်မှန်းကြသည်ဟု ကျွန်တော်မထင်ပါ။ မျှော်မှန်းကြ သည်ဖြစ်လျှင် ကိုရွှေဝန်တို့သည် ကုသိုလ်စစ်စကားကိုပင် ဆိုကြမည် မဟုတ်ပါ။ တကောင်းပြည်သူ လူထု၌လည်း ငတေမာပြီးရော သမား အတော်များများ ရှိနေကြသည်ဟု ကျွန်တော်မထင်ပါ။ ရှိနေကြ သည်ဖြစ်လျှင် မည်သည့်မင်းသား၏ အလှူမဏ္ဍပ်ကိုမျှ ၀ိုင်းဆောက် ပေးကြလိမ့်မည် မဟုတ်ပါ။
ထိုသို့ တပြီးကား ကံရာဇာငယ်၏ သစ်ငယ်ဆောက်၊ ၀ါးငယ်ဆောက်၊ ဖျင်ဖြူပတ်၊ ထုံးဖြူသုတ် မဏ္ဍပ်ကို ကန့်ကွက်ခြင်း၊ ပယ်ချခြင်း၊ တိုက်ဖျက်ခြင်း မပြုပဲ နေခဲ့ကြသည်မှ မည်သည့် အကြောင်းကြောင့်ပေနည်း။ မည်သည့် အကြောင်းကြောင့်မျှ မဟုတ်နိုင်။ ကံရာဇာငယ်သည် ကံရာဇာကြီး အား လည်းကောင်း၊ ကိုရွှေဝန်တို့အား လည်းကောင်း။ တကောင်းပြည်သူလူထုအား လည်းကောင်း တနည်းနည်းဖြင့် ခြိမ်းခြောက်နေသောကြောင့်သာလျှင် ဖြစ်နိုင်သည်။ ကံရာဇာငယ်သည် မိမိ၏ အလှူ မဏ္ဍပ်ရှေ့တွင် နောင်တော်အတွက် ၀မ်းနည်းပက်လက်ဖြစ်ရသော မျက်နှာပေးကို လည်းကောင်း၊
ကိုရွှေဝန်တို့ကို သိမ်းသွင်းချော့မော့နေသာ မျက်နှာပေးကိုလည်းကောင်း၊ တကောင်းပြည်သူလူထုအား အချိုသွေးနေသော မျက်နှာပေးကိုလည်းကောင်း ပြချင်လျှင် ပြနေမည်ဖြစ်သည်။လက်နက်နှင့် တပည့် လက်သားတို့ကိုမူကား မဏ္ဍပ်အတွင်း၌ လည်းကောင်း၊ မဏ္ဍပ်အပြင်၌ လည်းကောင်း၊ ပေါ်ပေါ်ထင်ထင် တချို့ ပုန်းလျှိုးကွယ်လျှိုးတချို့ နေရာချထားပြီး ဖြစ်မည်မှာ သေချာပါသည်။
          ရာဇ၀င်ဆရာသည် ထိုအချက်ကို ရာဇ၀င်၌ထည့်ဆိုခြင်း မပြုခဲ့ပါ။ သို့ရာတွင် အာဏာကို အဓမ္မလိုချင်သော ကိစ္စမျိုး၌ ထိုအချက်မျိုးသည် ဓမ္မတာလိုလိုပင် ဖြစ်သောကြောင့် ထိုအချက် ကို စိတ်ကူးဖြင့် အစားထိုးကြည့်ခြင်းမျှသာ ဖြစ်ပါသည်။ မည်သို့ပင်ဖြစ်စေ သူတို့ညီနောင်အကြောင်းကို စဉ်းစားမိသည့်အခါတိုင်း ကျွန်တော့်မှာ တကောင်းပြည်အတွက် ကျွန်တော့်အတွေးနှင့် ကျွန်တော် ရင်လေး မိတတ်သည်မှာ ကံရာဇာငယ်သည် ကံရာဇာကြီးအား လည်းကောင်း၊ ကိုရွှေဝန်တို့အားလည်းကောင်း၊ တကောင်းပြည်သူလူထုအားလည်းကောင်း တနည်းနည်းဖြင့် ခြိမ်းခြောက်နေသည်ဟု အထင်ရှိခြင်းကြောင့် ပင် ဖြစ်ပါသည်။
           ကံရာဇာငယ်သည် ကျွန်တော်၏ အတွေးအောက်တွင် အတော်အတန်ပိနေပါပြီ။ စင်စစ်မှာ ကံရာဇာငယ်သည် ကျွန်တော်တွေးသကဲ့သို့ ဟုတ်ချင်မှလည်း ဟုတ်မည်။ မဟုတ်ဘူးယောင် ယောင်နှင့် ဟုတ်ချင်လျင်လည်း ဟုတ်နေမည်။ ဟုတ်သည်ဖြစ်စေ မဟုတ်သည်ဖြစ်စေ ခြိမ်းခြောက်သူနှင့် အတူတကွ နေရခြင်းသည်လည်း ဆင်းရဲပေတကား။ မခြိမ်းခြောက်သူနှင့် ကွေကွင်းရခြင်းသည်လည်း ဆင်းရဲပေတကားဟုသာ ဆိုလိုက်ချင်ပါတော့သတည်း။  ။
ဇော်ဂျီ

Monday, April 26, 2010

From Paris With Love

ဇာတ်ကြမ်းကြမ်းလေးနဲ့ Action ဇာတ်ကားတွေ ကြိုက်တဲ့သူတွေအတွက်တော့ နှစ်ခြိုက်စေမယ့် ဇာတ်လမ်းတပုဒ်ပေါ့။ ဒီဇာတ်ကားလေးကို ကြည့်ရင်း John Travolta ရဲ့ တမူထူးတဲ့ သရုပ်ဆောင်ပုံ၊ Meyers ရဲ့ ပီပြင်တဲ့ သရုပ်ဆောင်ချက်တွေ ကို လေးစားသဘောကျမိပါတယ်။
တကယ် သရုပ်ဆောင် ပီပြင် ကျွမ်းကျင်သူနှစ်ယောက်က ဒီဇာတ်လမ်းရဲ့ အခရာပါ။ ဒါပေမယ့် ဇာတ်လမ်း၊ ဇာတ်အိမ်တွေကတော့ အားနည်းလွန်းလှပါတယ်။ အဲဒီအတွက် ဒီဇာတ်လမ်းကို ကျွန်တော့် အမြင်အရ ဆိုရင်တော့ ၆/၁၀ လောက် ပေးချင်တယ်။


Friday, April 23, 2010

The Lives of Others

ဘာသာစကားကိုနားမလည်ဘဲ ကြည့်ခဲ့ဘူးတဲ့ ဇာတ်ကားတွေထဲမှာ ဒီဇာတ်ကားက အနှစ်သက်ဆုံး ဇာတ်ကားပါပဲ။ ဂျာမန်ကားပါ။ ဒီဇာတ်ကားက ၇၉ကြိမ်မြောက်  အော်စကာဆုပေးပွဲမှာလည်း  အကောင်းဆုံး နိုင်ငံခြားဘာသာစကားရုပ်ရှင်ဆုကို ရရှိခဲ့ပါတယ်။ ဇာတ်လမ်းအမျိုးအစားက Drama ပါ။ ဒီဇာတ်ကားမှာ မင်းသားကြီး Ulrich Mühe ရဲ့ သရုပ်ဆောင်မှုဟာ အံ့မခန်းလောက်ပဲလို့ကို ချီးကျူးလို့ရပါတယ်။ သူစကားများများမပြောခဲ့ရပါဘူး ဒါပေမယ့် ခံစားချက်ကို မျက်လုံး မျက်နှာတို့နဲ့ပဲ သရုပ်ဆောင်သွားပြီး လိုအပ်တဲ့ ဇာတ်သရုပ်ကို ပီပြင်အောင်ဖော်ပြနိုင်တာဟာ တကယ့်ကို လေးစားစရာအချက်ပါ။ ပြီးတော့ ဇာတ်လမ်းမှာ မလိုအပ်တဲ့ အပိုတွေကို ရှင်းမပြဘဲ လိုချင်တဲ့ ပွိုင့်ကိုရောက်အောင် လိုအပ်တဲ့နေရာမှာ ပြခဲ့တဲ့ တင်ဆက်ပုံဟာ ဒါရိုက်တာ ဇာတ်ညွှန်းဆရာတွေရဲ့ ကျွမ်းကျင်မှုတွေပဲ ဖြစ်ပါတယ်။ ကျွန်တော့်အနေနဲ့တော့ ဒီဇာတ်ကားကို ၁၀/၁၀တောင် ပေးပစ်ချင်ပါတယ်။

ဇာတ်လမ်းအကျဉ်းချုပ်။    ။Ulrich Mühe က ဒီဇာတ်ကားမှာ အရှေ့ဂျာမနီရဲ့ ရဲအရာရှိတယောက်ဖြစ်ပါတယ်။ ဇာတ်လမ်းကိုတော့ အနောက်ကို ထွက်ပြေးဖို့ ကူညီတဲ့ သူတယောက်ကို စစ်ရင်း ဘယ်လိုစစ်ရတယ်ဆိုတဲ့သင်တန်းကို ပို့ချရင်းစလိုက်တာပါ။ သူ့ရဲ့ တာဝန်နောက်တခုကတော့ အရှေ့အစိုးရကို ပုန်ကန်တဲ့ အဖွဲ့အစည်းကို ထောက်ခံတဲ့ စာရေးဆရာတယောက်ကို စပိုင်လုပ်ဖို့ပါ။ အထက်ကအမိန့်အရ အဲဒီစာရေးဆရာရဲ့ အိမ်မှာ အသံဖမ်းကိရိယာတွေ အများကြီးတတ်လိုက်ပါတယ် ပြီးတော့ သူနဲ့ သူ့ရဲ့ လက်ထောက်နဲ့က ပြောသမျှအကုန်လုံးကို နားထောင်ပြီး Report တွေ လိုက်ရေးရတာပါ။ ဒီအလုပ်ကိုလုပ်ရင်း ဒီစာရေးဆရာလင်မယားကို သူခင်တွယ်လာပြီး ရက်စက်တတ်တယ်ဆိုတဲ့ သူ့နှလုံးသားက လှုပ်နှိုးလာချိန်မှာတော့ ဇာတ်လမ်းက အကွေ့အကောက်တွေနဲ့ စိတ်ဝင်စားဖွယ်ရာဖြစ်လာပါတယ်။

The Patriot


ကျွန်တော် အနှစ်သက်ဆုံးဇာတ်ကားတကားပေါ့။ ဇာတ်လမ်းရဲ့ တင်ပြပုံဟာ စွဲမက်ဖွယ်ကောင်းပါတယ်။ Action နဲ့ Drama အမျိုးအစားလို့ သတ်မှတ်နိုင်ပါတယ်။ ဒီဇာတ်လမ်းမှာ သဘောကျတာလေးတွေက နိမိတ်ပုံ တင်ပြချက်တွေပါပဲ။ အဓိပ္ပါယ်တခုကို ကြိုတင်ဖွင့်ပြောထားတာကို မသိစေလိုက်ပါဘူး။ သားသမီးတွေကို ချစ်တဲ့ ဖအေ တယောက်၊ သားတွေကို ဒုက္ခမရောက်စေချင်တဲ့ အဖေတယောက် အဖြစ်သရုပ်ဆောင်သွားတဲ့ Mel Gibson ရဲ့ အရည်အချင်းက ချီးကျူးလောက်ပါတယ်။ သူ့ရဲ့ သရုပ်ဆောင်မှု အရည်အချင်းက ဒီဇာတ်လမ်းကို သယ်သွားတာလို့ဆိုရင် မှားမယ်မထင်ပါဘူး။ ကျွန်တော့်ရဲ့ သုံးသပ်ချက်ကတော့ ၉/၁၀ လောက်ပေးပါမယ်။
ဇာတ်လမ်း အကျဉ်းချုပ်။ ။ဘင်ဂျမင်က မိန်းမဆုံးသွားတဲ့နောက် သူ့ဘာသူ အေးအေး လယ်ယာလုပ်ကိုင် စားသောက်နေတဲ့ စစ်သားဟောင်းတယောက်ပါ။ ဒါပေမယ့် အမေရိကန်တွေရဲ့ အင်္ဂလိပ်တော်လှန်ရေးက သူတို့မိသားစုကို ရိုက်ခတ်လာပါတယ်။ သူက သူ့ရဲ့သားတွေကို စစ်ထဲမ၀င်စေချင်ပေမယ့် သားဖြစ်သူကတော့ စစ်ထဲကို လိုက်သွားခဲ့ပါတယ်။ ဒီထက်ပိုဆိုးတာက သူတို့အိမ်နားမှာ စစ်ဖြစ်သွားတာပါပဲ။ သူကတော့ စစ်ကြောင့် ဒဏ်ရာရတဲ့ အင်္ဂလိပ် အမေရိကန် အကုန်လုံးကို သူ့အိမ်မှာ ပြုစုကုသပေးပေမယ့် အင်္ဂလိပ်အရာရှိဖြစ်သူက သူ့နောက်လိုက်တွေနဲ့ အတူ သူ့အိမ်ရောက်လာပြီး ဒဏ်ရာရ အမေရိကန်တွေကို သတ်ပစ်လိုက်တယ်။ သူ့သားငယ်ကို သတ်၊ စစ်ထဲဝင်ခဲ့တဲ့ သူ့သားကြီးကို ဖမ်းပြီး သူ့အိမ်ကို မီးရှို့သွားခဲ့ပါတယ်။ အဲဒီအချိန်ကစလို့ သူ့ရဲ့ တော်လှန်ရေးက စတင်အသက်ဝင်လာခဲ့ပါတယ်။
လူမော်

မေမေ့မွေးနေ့

ရည်းစားကြာကူလီ

Shutter Island



ဇာတ်ကားက ကျွန်တော့် ခံစားချက်အရတော့ Drama နဲ့ Mystery အမျိုးအစားလို့ သုံးသပ်မိပါတယ်။ ဇာတ်လမ်းကောင်းတခုပါ လီယိုနာဒိုရဲ့ သရုပ်ဆောင်ပီပြင်မှု၊ ဇာတ်လမ်းရဲ့ ဇာတ်အိမ်ခိုင်မာမှု၊ ပြီးတော့ တွေးတောစရာပေးထားတဲ့ Hints တွေနဲ့ အတူ သူလိုချင်တဲ့ ဇာတ်လမ်းရဲ့ Twist တခုကို ကျွမ်းကျွမ်းကျင်ကျင် တင်ပြသွားတာပါ။ အဲဒီမှာ ကျွန်တော် ထူးထူးခြားခြားဂရုစိုက်မိတာကတော့ Screenplay ပါပဲ။ ကျွန်တော် အကုန်လုံး နားမလည်ဘူးလို့ ၀န်ခံပါတယ်။ ဒါပေမယ့် နားလည်သလောက် သူ့ရဲ့ ဇာတ်ညွှန်းခွဲဝေမှုဟာ အတော်ကို ကျေနပ်ဖွယ်ရာပါပဲ။ ကျွန်တော်ကတော့ ဒီဇာတ်ကားကို ၉/၁၀ လောက်ပေးချင်ပါတယ်။

ဇာတ်လမ်းအကျဉ်းချုပ်။ ။ဒင်နီယယ်က ဒီကျွန်းပေါ်မှာပျောက်သွားတယ်ဆိုတဲ့ အန္တာရယ်ရှိ စိတ်ဝေဒနာသည်နဲ့ ပတ်သက်တဲ့ အချက်အလက်တွေကို ရယူဖို့ ရောက်လာသူ US Marshall ပါ။ သူနဲ့အတူ သူ့ရဲ့ ပါတနာတယောက် "ချက်" ပါလာပါတယ်။ အဲဒီမှာ သူစုံစမ်းမှုတွေ လုပ်တော့ သူစတွေ့လိုက်တာက သံသယတွေပါပဲ။ အဲဒီသံသယတွေ နောက်ကိုလိုက်ရင်းလိုက်ရင်း US Marshall တယောက် ဘယ်လို စုံစမ်းထောက်လှမ်းတယ်ဆိုတဲ့ အကြောင်းတွေကို ရင်သပ်ရှုမောလောက်အောင် တင်ဆက်ထားတာပါ။