ကမူးရှုးထိုးနဲ့ နိုးသာနိုးလာရ
ဒီနေမှာ ကျွန်တော်အသားမကျသေး
အပြင်မှာ အရုဏ်ထွန်းပြီဆိုပေမယ့်
ကျွန်တော့်နာရီက ည ၁၂ကိုစွန်းရုံပဲ စွန်းသေးတယ်။
အိပ်ရတာများလို့လားတော့မသိ
ခုအထိ အိပ်ရေးက မဝ တဝ
မျက်လုံးထောင့်မှာက မျက်ဝတ်စတွေနဲ့........
ထိုးထိုးထောင်ထောင်ဆံပင်
ဖီးမသချင်သေး
အဆီတဝင်းဝင်းမျက်နှာပြင်
ရေဆေးမပြစ်ချင်သေး
အပြင်မှာ ဘယ်လောက်လင်းလင်း
ညနာရီနဲ့ ဆက်မှိန်းရတာ
ဘယ်လောက်အရသာကောင်းသလဲ။
အဆီတထပ် အသားတထပ်
ငါ့ဗိုက်ကြီးလည်း လေးလံဖောင်းအဲ့
အစာဝဖို့ အော်ခဲ့တာလည်း
ငါ အတော်ပင်ပန်းခဲ့ပေါ့။
ခင်ဗျားတို့လိုလူတွေက
နေ့ဆိုဆို နေထွန်းထွန်း
ကျုပ်နာရီမတော့ ညသန်းခေါင်စွန်းစွန်းပဲရှိသေး
အိပ်ရေးပဲ ဝအောင် ဆက်အိပ်
အော်သံတွေတော့
အတိတ်မခံနိုင်ဘူး...................
နေဦး
(၂၀၁၁ ဇူလိုင် ၂၈၊ နေ့လည် ၂း၃၀)
