Pages

Sunday, June 27, 2010

Killem ႏွင့္ ၂ႏွစ္တာ

   ၾကာခဲ့ၿပီဟု ဆုိရမလား ျဖတ္သန္းသြားရမယ့္ဘ၀ထဲက အကန္႕တကန္႕သာသာလုိ႔ပဲ  ဆုိရမလား လာမည့္ ၂၉ ရက္ေန႕ဆုိလွ်င္ ကၽြန္ေတာ္လက္ရွိလုပ္ေနေသာ ကုမၸဏီ Killem မွာ ၂ႏွစ္ျပည့္ၿပီ။ အတန္အသင့္ေတာ့ ၾကာခဲ့ၿပီဟုဆုိရမည္။ စင္ကာပူကၽြန္းကို ေရာက္ခဲ့တာ ခုအခ်ိန္ဆုိ ၂ႏွစ္ခြဲေက်ာ္သြားၿပီ။ ကိုယ့္ကိုယ္ကို တခ်က္ျပန္ငဲ့ၾကည့္ျဖစ္သည္ ဘာေတြေျပာင္းလဲသြားသလဲ၊ ဘာေတြတုိးတက္သြားသလ၊ဲ ဘာေတြယုတ္ေလ်ာ့သြားသလဲ၊ ဘာေတြေလ့လာသိခဲ့သလဲ၊ ဘယ္ယုံၾကည္ခ်က္ေတြ ေပ်ာက္ဆုံးသြားၿပီး ခုယုံၾကည္ခ်က္ေတြက ဘယ္လုိ ျဖစ္တည္လာသလဲ၊ ဘာေတြကို တန္ဖုိးပိုထားလာသလဲ စသည္ စသည္ျဖင့္ ေမးခြန္းေတြ ကိုယ့္ကိုယ္ကို ျပန္ေမးၾကည့္မိသည္။

      အိမ္ကခြဲထြက္လာတာ ၂ႏွစ္ခြဲသြားၿပီဆုိေပမယ့္ ခုထိ တခါမွ အိမ္မျပန္ျဖစ္ေသး နဂိုကတုိင္ အိမ္မကပ္သူပီပီ ထူးထူးျခားျခားလြမ္းတာ ျပန္ခ်င္တာမ်ိဳးလည္း ဒီကာလထိေတာ့ ကၽြန္ေတာ့မွာ မရွိခဲ့။ ဒါေပမယ့္ တခါတရံေတာ့ ကၽြန္ေတာ့ကိုခ်စ္တဲ့ အေမ၊ အားေပးတတ္တဲ့ စာဖတ္နာခဲ့တဲ့ ကၽြန္ေတာ္သိခ်င္တာရွိတုိင္း ေမးခြန္းေတြထုတ္ခဲ့ရတဲ့ အေဖ့ကို လြမ္းမိတယ္။ ငယ္ငယ္ကတည္းက တကပ္တည္း ကပ္ခဲ့ၿပီး ေရွးေဟာင္းေႏွာင္းျဖစ္ေတြ ေဗဒင္ နကၡတ္အေၾကာင္းေတြ ဘ၀အေတြ႕အႀကဳံေတြကို ေျပာျပေပးခဲ့တဲ့ ကြယ္လြန္သြားၿပီျဖစ္တဲ့အဘ(အေမ့ရဲ႕ အေဖ)ကို လည္း လြမ္းမိသည္။ ထုိ႕ထက္ပို၍ေတာ့ သည္ကာလအတြင္းမွာ အိမ္ကို ထူးထူးျခားျခား မလြမ္းဘူးခဲ့။ အရာရာက ပုံမွန္အတိုင္းသာ လည္ပတ္ခဲ့သည္။

     ငယ္ကတည္းက အေမဆုံးမတဲ့ အတုိင္း တေန႕တေန႕ အိပ္ယာ၀င္ၿပီဆုိတာနဲ႕ ဒီေန႕ငါဘာလုပ္ခဲ့သလဲ ပညာ၊ ဥစၥာ၊ ကုသုိလ္ သုံးခုထဲက ဒီေန႕ ဘာရခဲ့သလဲဆုိၿပီး နဖူးေပၚလက္တင္စဥ္းစားတဲ့ အက်င့္ကေတာ့ မေပ်ာက္ခဲ့။ ကိုယ့္ကိုယ္ကို ဘာမွန္းမသိေအာင္ အသုံးမက်ျဖစ္ခဲ့ရတဲ့ ေန႕ရက္ေတြ ရွိသလုိ အေတာ္အသင့္ ေပ်ာ္ရႊင္မႈရေလာက္တဲ့ ေန႔မ်ိဳးေတြလည္း ကၽြန္ေတာ္ရခဲ့သည္။ ၂၆ႏွစ္ျပည့္လုိ႕ ၂၇ထဲေရာက္ေနတဲ့ ကၽြန္ေတာ့္အသက္အရြယ္မွာ ကၽြန္ေတာ္က ဘ၀အေၾကာင္းသိပါၿပီလုိ႕ မဆုိလုိေသာ္လည္း ဒီႏွစ္ႏွစ္အတြင္းမွာ ဘ၀အေၾကာင္း လူေတြအေၾကာင္းကိုေတာ့ အေတာ္သိခဲ့ရသည္ ေလ့လာမိခဲ့သည္။ ေကာင္းတာေတြလည္း သိခဲ့သလုိ ဆုိးတာေတြကိုလည္း တီးမိေခါက္မိရွိခဲ့သည္ အေမေျပာတတ္ခဲ့တဲ့ လူ႕ဘ၀က ထင္သေလာက္ မရိုးရွင္းဘူးဆုိသည့္ သပြတ္အူေတြကို ခပ္ေရးေရးေတာ့ သေဘာေပါက္လာခဲ့သည္။ ငယ္တုန္းကလုိ ကမၻာႀကီးကို ခါးေစာင္းတင္ၿပီး ဟုိဘက္ဒီဘက္ ေရႊ႕ပစ္လုိက္ခ်င္တာေတြထက္ အကန္႕အသတ္တခုအတြင္းက အေကာင္းဆုံးအေနအထားကို ႀကိဳးစားၿပီးယူရတာေတြကို လက္ခံလာသည္။ လုပ္ခ်င္တာကို လုပ္ခြင့္မရလုိ႕ စိတ္ပ်က္ညည္းညဴတာထက္ လုပ္ခြင့္ရတာကို အေကာင္းဆုံးလုပ္ဖုိ႕ ကုိယ့္ကုိယ္ကို သတိေပးရေကာင္းမွန္းသိလာခဲ့သည္။ သိခြင့္ရလာခဲ့တဲ့ အသိေတြ အေတြ႕အႀကဳံေတြကပဲ ကၽြန္ေတာ့္ရဲ႕ ဒီ၂ႏွစ္တာ ကာလအတြင္း အျမတ္ဟုဆုိရမည္။
      
       အေကာင္းဆုံးအေနအထားတခုမဟုတ္ေတာင္မွ ကၽြန္ေတာ့္ကို ဒီကၽြန္းေပၚမွာ အလုပ္လုပ္ခြင့္နဲ႕ ေနရာေလးတခုေပးခဲ့တဲ့ ေလ့လာခြင့္ သင္ယူခြင့္ေတြ ေပးခဲ့တဲ့ Killem ကိုလည္း အေတာ္အသင့္ေတာ့ ေက်းဇူးတင္မိသည္။ ဒီမွာေနရင္းပဲ စင္ကာပူကၽြန္းအေၾကာင္း သူတုိ႕လူမ်ိဳးေတြအေၾကာင္း သူတုိ႕ရဲ႕ ယဥ္ေက်းမႈေတြအေၾကာင္းကို အေတာ္ေတာ့ ေလ့လာမိခဲ့သည္။ ေနာက္တခု ကံေကာင္းတာက မန္ေနဂ်ာက အျဖဴ အေမရိကားလူမ်ိဳးဆုိေတာ့ သူနဲ႕ စကားေျပာရင္း အဂၤလိပ္စကားေျပာက အေတာ္အတန္ေတာ့ တုိးတက္လာခဲ့သည္။ ေနာက္ သူက အေရွ႕တုိင္းသားေတြလုိ လွ်ိဳတာေတြ ပညာျပတာေတြ သိပ္မလုပ္တတ္ ပြင့္လင္းသည္ ႀကိဳက္ရင္ႀကိဳက္တယ္ မႀကိဳက္ရင္ မႀကိဳက္ဘူး သိခ်င္တာရွိရင္ေမး သူသိသေလာက္ ရွင္းျပသည္။ ကၽြန္ေတာ့္ရဲ႕ စင္ကာပူ အေတြ႕အႀကဳံအတြက္ ဒီတခ်က္ကေတာ့ အေတာ္ကံေကာင္းသည္ဟု ဆုိရမည္။
       
       အသိေတြ ေလ့လာမႈေတြမွာ အေတာ္အသင့္တုိးတက္လာသည္ဟု ဆုိရေပမယ့္ Personal Fortune ပိုင္းကေတာ့ အေတာ္ကို ဆုိး၀ါးသည္ဟုပဲ ကိုယ့္ကုိယ္ကို သုံးသပ္လိုက္သည္။ ကံဇာတာကလည္း ကိုယ့္ဘက္ကို မပါသလုိ ကိုယ္လုပ္သမွ် အမွားေတြကလည္း ရွိေနခဲ့သည္။ အထူးသျဖင့္ အသုံးအျဖဳန္းစည္းကမ္းမရွိတတ္တဲ့အက်င့္က အေတာ္ကို လူကို ဒုကၡေရာက္ေစခဲ့သည္။ တေန႕ တေန႕ ကုိယ့္ရဲ႕ Personal Account ကုိ စာရင္းသြင္းရင္းၾကည့္ရတာလည္း အေမာ။ ဘယ္ေတာ့ၾကည့္ၾကည့္ ကိုယ့္ရဲ႕ Net Worth ကလည္း အႏႈတ္က တက္မလာေသး ဒီအခ်ိန္ေတြကို လြတ္ေအာင္ အေတာ္ရုန္းကန္ရဦးမည္ ဆုိတဲ့အသိက ေခါင္းထဲမွာ သံမိႈလုိ စြဲလာေနခဲ့ၿပီ။ ကိုယ့္ရဲ႕ မိဘကိုလည္း တစုံတရာ ျပန္ေပးခ်င္ၿပီ ကိုယ့္အကုိႀကီးကိုလည္း အလုပ္ေလးတခု လုပ္လုိ႕ရေအာင္ စီစဥ္ေပးခ်င္ၿပီ ေနာက္ စုစုေဆာင္းေဆာင္းနဲ႕ ကုိယ္ပုိင္ အလုပ္ကေလးတခုကို ပုိင္ဆုိင္ခ်င္သည္။ အိပ္မက္ေတြအတြက္ ကိုယ့္ေမွ်ာ္လင့္ခ်က္ကိုယ္ကို Plan ေလးေတြ ခ်ထားမိသည္။ တထပ္တည္းက်ေအာင္ မသြားေသာ္လည္း အေတာ္အတန္ေတာ့ လမ္းေၾကာင္းေလးေပၚမွာရွိေနေသးတာ ကံေကာင္းသည္။ ဒီလုိအေနေလးတခုရဖုိ႕ ေပ်ာ္ေနခဲ့ေသာ္လည္း ခုလက္ရွိအလုပ္ေလးမွ စြန္႕ဖုိ႕ စဥ္းစားေနမိၿပီ ေနာက္ႏွစ္ ဒီအခ်ိန္ ဒီအလုပ္မွာ ရွိမေနခ်င္တာက ကုိယ့္ရဲ႕ ပထမဦးဆုံး ရည္မွန္းခ်က္။ အေျပာင္းအလဲတခုရဖုိ႕ စြန္႕လႊတ္လုိက္ရတာတခ်ိဳ႕ ကေတာ့ ရွိေနမွာ ေသခ်ာေသာ္လည္း မေျပာင္းမျဖစ္တဲ့အခါ ေျပာင္းရဦးမည္။ ၂ႏွစ္ရွိခဲ့ၿပီ သူ႕ဆီက ရရွိမႈက ကိုယ့္အတြက္ အေျခခံေကာင္းကို ေပးဖုိ႕ မစြမ္းသာခဲ့။ အရမ္းကာေရာ မေမွ်ာ္လင့္ေသာ္လည္း ကုိယ္နဲ႕ တန္ရာတန္ရာကို ေမွ်ာ္လင့္မိတာကေတာ့ အမွန္ပင္။

       အရင္က လုပ္ခဲ့သမွ်အလုပ္ေတြက ကုိယ္စိတ္ပါရင္ စိတ္ပါသလုိသာ လုပ္ခဲ့ရတဲ့အလုပ္ေတြ ခု အခ်ိန္ျပည့္ အလုပ္တခုကို စလုပ္ခဲ့ၿပီးကာမွ ကိုယ့္ရဲ႕ ပညာေရးဆုိင္ရာ တုိးတက္မႈကေတာ့ ဆုိးဆုိးရြားရြားကို ရပ္တန္႕သြားသည္။ ကိုယ္ကုိယ္တုိင္ကို လုံး၀ကို စိတ္တုိင္းမက်ခဲ့ ဒီအတြက္လည္း စိတ္ကူးေတြထဲမွာ အႀကိမ္ေပါင္းမ်ားစြာ ကိုယ့္ကုိယ္ကုိ အျပစ္တင္မိသည္။ ကိုယ့္အားနည္းခ်က္က အလုပ္ရယ္ အခ်ိန္ရယ္ ပိုက္ဆံရယ္ ၾကားက Balance ကို ကၽြမ္းကၽြင္ေအာင္ မမွ်ေ၀တတ္ခဲ့။ အဲသည္အားနည္းခ်က္ကို ခုကစလုိ႕ ျပင္ရမည္။ ပါးစပ္နဲ႕ အေတြးနဲ႕ ျပင္ခဲ့သည္ကေတာ့ မ်ားၿပီ ခုကေတာ့ လက္ေတြ႕ကို ႀကိဳးစားၿပီးျပင္ရမည္။ သူမ်ားေတြလည္း ဒီလုိ ၂၄နာရီအတြင္းမွာ ဒါေတြ လုပ္ႏုိင္ရင္ ကုိယ္လည္း လုပ္ႏုိင္ရမည္ မဟုတ္ပါလား။ မလုပ္ႏုိင္ဘူးဆုိကတည္းက အပြင့္လင္းဆုံး၀န္ခံရလွ်င္ ကိုယ္က ညံ့၍ျဖစ္သည္။ အဲဒီေတာ့ ကိုယ့္ကို္ယ္ကိုပဲ ျပင္ႏုိင္ေအာင္ ႀကိဳးစားရမည္။

            အားလုံး ကိုယ့္ကိုယ္ကို အရင္းခ်ဳပ္ၾကည့္မိသည္ လူ႕ဘ၀ရဲ႕ အေတြ႕အႀကဳံေတြကို ရလာေသာ္ၿငား ကိုယ္ေမွ်ာ္မွန္းသည့္ လုိခ်င္သည့္ ပန္းတုိင္ႏွင့္က ေ၀းေနေသးသည္။ ဒီႏႈန္းနဲ႕ သြားေနလုိ႕ကေတာ့ တေန႕တလံ ပုဂံဘယ္မေရြ႕ကို လိပ္ႏႈန္းနဲ႕သြားေနေသာသူ ျဖစ္ေနလိမ့္မည္။ ရေသာ အခ်ိန္တုိတုိေလးအတြင္းမွာ အျမန္နႈန္းကို မွန္မွန္ကန္ကန္ သမာေသာနည္းလမ္းျဖင့္ အရွိန္ျမွင့္ယူရမည္။ ခုေတာ့လည္း ခရာဆူး၏ သေဘာကို နားလည္သလုိလုိ ျဖစ္လာေပၿပီ...........

ေနဦး
(ဇြန္ ၂၆ ၂၀၁၀၊ ၁၁နာရီ ၄၈ မိနစ္)

Sunday, June 20, 2010

ချစ်သူဖြစ်စာမေးပွဲ

ဖြေဆိုရန် ဘာသာတွဲ

ချစ်ခြင်း အတတ်
မြတ်နိုးခြင်း အတတ်
ဂရုစိုက်ခြင်း အတတ်
ကြင်နာခြင်း အတတ်
ယုယခြင်း အတတ်
အနစ်နာခံခြင်း အတတ်
လိမ်လည်လှည့်ဖြားခြင်း အတတ်

အမှတ်စာရင်း

ချစ်ခြင်း အတတ်                                            ၁၀၀              
မြတ်နိုးခြင်း အတတ်                                       ၁၀၀
ဂရုစိုက်ခြင်း အတတ်                                      ၁၀၀
ကြင်နာခြင်း အတတ်                                      ၁၀၀
ယုယခြင်း အတတ်                                         ၁၀၀
အနစ်နာခံခြင်း အတတ်                                   ၁၀၀
လိမ်လည်လှည့်ဖြားခြင်း အတတ်                          ဝ

စာမေးပွဲစည်းကမ်းအရ
တစ်ဘာသာကျရုံနဲ့
ငါဒီစာမေးပွဲရှုံးခဲ့တယ်.........

လူမော်
(၂၀၁၀ ဇွန် ၂၀ ည ၁၁နာရီ ၅မိနစ်)

Friday, June 18, 2010

ဖိနပ်မစီးတတ်သေးတဲ့ကောင်

Freedom Freedom Freedom
ငါတို့တွေ လိုချင်တပ်မက်စိတ်နဲ့
ယစ်ယစ်မူးမူး အော်ဟစ်ခဲ့ကြတာများ
အာခေါင်များတောင် ခြောက်လို့..........
ဒါပေမယ့် အဲဒီလွတ်လပ်မှုတွေထဲ
ငါတို့တွေ ပြန်ပိတ်မိနေခဲ့တယ်......

ငါတို့ခိုင်းဖို့ ဖန်တီးခဲ့တဲ့ ပိုက်ဆံတွေက
ခုတော့ ငါတို့ကျောကုန်းကိုပြန်စီး
ငါတို့ကို ခြေဗလာနဲ့ ဒီခရီးပြန်လျှောက်ခိုင်းတယ်......

အချစ်ဆိုတဲ့ ခေါင်းစဉ်အောက်
မြင်ဖူးသူလည်း မရှိ
အဓိပ္ပါယ်လည်း အတိအကျမသိ
စွန့်လွှတ်လိုက်ခြင်းတွေ
ပိုင်ဆိုင်တာတွေနှော
အယူအဆတွေကရောလို့..........

ကင်ဆာ အေအိုင်ဒီအက်စ်တဲ့
၉၆ပါး List ထဲမှာတုန်းက
သူတို့ကော ပါခဲ့ကြသတဲ့လား
နောက်တက် ရောဂါတွေနဲ့
ကမ္ဘာကဖျားနာလို့................

အဲဒီ မပြည့်စုံမှုတွေနဲ့ မသေချာမှုတွေပြည့်နှက်ဆဲ
ဟောဒီ ဘဝရဲ့ Trial Version ထဲမှာ  မောလှပြီ
ငါ ဘာသိခဲ့ရလို့လဲ
ဘဝရဲ့ သင်ခန်းစာတွေထဲမှာ
ဒီနေ့က အမှန်တရားတွေဟာ
မနက်ဖြန်ရဲ့ ရှာဖွေတွေ့ရှိမှုနဲ့အတူ
အမှားတွေ အဖြစ်
သွန်ပစ်ခံနေရလို့..................

ဒီလူ့ဘဝထဲ ငါတို့ ဘာများသိခဲ့ရသလဲ
သိသမျှလည်း မှန်လိုက်မှားလိုက်နဲ့
ချာချာလည်နေဆဲ
Trial သာ ရခဲ့တဲ့ လူ့ဘဝထဲ
မောတယ်.......

ကျွန်ဖြစ်ကျန်ခဲ့တဲ့ ငါ့အချစ်တရားကကော
မနက်ဖြန်မှာ ဘာတွေပြောအုံးမလဲ.............

ကွန်အပစ်ခံရတဲ့ ယုံကြည်မှုတွေကကော
မနက်ဖြန်မှာ ဘာတွေပြောအုံးမလဲ............

လွန်ရစ်ကျန်ခဲ့တဲ့ မသေချာမှုတွေကကော
မနက်ဖြန်မှာ ဘာတွေပြောအုံးမလဲ...........

နွံအနှစ်ခံလိုက်ရတဲ့ ရိုးသားမှုအတွေးများကကော
မနက်ဖြန်မှာ ဘာတွေပြောအုံးမလဲ............

ကဲ လောကကြီးရေ ဖြစ်နိုင်ရင်
မင်းရဲ့ Full Version လေး ငါတို့ကိုပေးပါ။

လူမော်
(၁၈ ဇွန် ၂၀၁၀ မနက် ၁နာရီ ၄ မိနစ်)


Friday, June 11, 2010

လူ့ကျင့်ဝတ် သို့

ငါ့ကို လာလာမပေးပါနဲ့
ဇွတ်အတင်းလည်း မဝတ်ခိုင်းကြပါနဲ့
အဲဒီ အင်္ကျီဖြူဖြူ ငါတကယ်ကို မဝတ်လိုဘူး..
ငါ့အတွက်တော့
ခင်ဗျားတို့ စေတနာရှိတယ်ဆို
ရစ်ပတ် ယှက်သွေး
အမည်းရောင်ရင့်ရင့် အင်္ကျီလေးကိုပဲ သဘောကျတယ်..
အနည်းဆုံးတော့ ကျုပ်စိတ်အရောင်ကို သူက ဖျော့တော့သွားစေတယ်လေ
ရစ်ပတ်ဝိုင်းရံ အဖြူတွေချည်းပဲ မံထားမှတော့
နည်းနည်းလည်း များများပေါ်မှာပဲ မဟုတ်လား……
ကြည့်ကြည့်လိုက်စမ်းပါ
ရှေ့နေ တရားသူကြီး
ဂုဏ်သရေ ရှိပါတယ် ဆိုတဲ့ လူကြီးမင်း အားလုံး
အမည်းရောင် ဝတ်စုံတွေကိုပဲ ဝတ်ဆင်ကြတယ်………….
ကိုယ့်အဖြစ်ကို ကာကွယ်ကြဖို့လိုတယ်လေ………

လူမော်
( ၂၀၁၀ ဇွန်လ ၁၁ရက် နေ့လည် ၁၁နာရီ ၄၇ မိနစ်)

အသက်ရှုကျပ်ခြင်း

ဟေ့ဒီမှာ ဒီမှာ
ဒီနေ့ ဆိုတာ မနေ့တုန်းက ရဲ့ မနက်ဖြန်လေ
ကိုယ့်ကိုများ အနာဂတ်မှာရပ်နေတယ်ထင်လို့လား
မနေ့က နဲ့ မနက်ဖြန် သဏ္ဍာန် သိပ်မတူလည်း ဟန်နဲ့ ပုံစံကွဲမသွားပါဘူးကွယ့်
မနက်နေ့လည်ည ပြီးတော့ စားကြသောက်ကြ ရုန်းကန်ကြနဲ့ အတူတူပါပဲ
ငါ့အတွက်တော့ မနေ့ကနဲ့ ဒီနေ့ ရုပ်ကလေးကွဲသွားတာ အသက်ကလေးကွာသွားတာကလွဲလို့
အကုန်တူတူပါပဲ

စိုးရွံ့မနေပါနဲ့ ကောင်းကင်ကို ရဲရဲဝံ့ဝံ့မော့ကြည့်လိုက်စမ်းပါ
အဲဒီမှာ ငါ့နှလုံးသား မိုးရွာချနေတယ်လေ
အသံမထွက်ဘူး ဘယ်သူ့ကို စိုရွှဲမသွားစေဘူး
ဒါပေမယ့် နင်လိုချင်ရင် နင့်အတွက်တော့ ငါ့မိုးရည်စက်တွေနဲ့ အေးမြစေနိုင်ပါတယ်လေ။

မင်းမတွေ့သေးရင် သေချာကြည့်ကြည့်ပါ
ဟိုးမိုးကုတ်စက်ဝိုင်းရဲ့ သက်တန့်တွေကြားတနေရာမှာ
ငါ့နှလုံးသားရှိနေတယ်
မင်းလှတယ်လို့ပြောတဲ့ သက်တန့်အတွက်
ငါ့နှလုံးသားမှာ မိုးရေတွေစိုရွှဲ နေကျဲကျဲတောက်ပူပေးခဲ့ရတယ်။

ပြီးတော့
ငါ့အတွက်တနေရာစာ ဘာလဲ
တိတ်တဆိတ်နင်နှင်ထုတ် ဟိုးမိုးကုတ်စက်ဝိုင်းအစွန်းအထိကို
ငါဆုတ်သွားရတယ်။

ငါ့အတွက်တော့ အတိတ် နဲ့ အနာဂတ် ဘာမှ မပတ်သက်သလို
ဘာမှလည်း ထူးမလာသလိုပါဘဲ
ခုတော့ ပစ္စုပန်မှာပဲ တောင့်တောင့်ကြီးရပ်လို့ပေါ့
အိပ်မက်တောင် ရဲရဲမမက်ရဲတော့တဲ့ ဘဝ
မနက်ဖြန်အတွက် မျက်ရည်ကျမှ သိလိုက်ရတယ်။

တောင်းပန်ပါတယ် ဒီတညတော့ ကောင်းကောင်းအိပ်စက်ပါရစေ......
ဘာဖြစ်လို့လည်းဆိုတော့
ငါနင့်ကို ချစ်လွန်းမိတယ်လေ.......

လူမော်
(၂၀၀၉ နိုဝင်ဘာ ၁၈)

သာယာသောနေ့

တိမ်ညိုရစ်ဆိုင်း တိမ်ရစ်မှိုင်းလျက်
တိမ်ရိပ်များ ကာ နေမသာလည်း
လေပြေလည်းတိုက် ဒီအခိုက်မှာ
အေးမြညှာကြည် ရွှင်ကြည်နှလုံး
စိတ်ဝယ်ပြုံးသည်
သာယာသောနေ့ ဖြစ်ပေသည်........

လူမော်
(၂၀၁၀ ဧပြီ ၁၂)

စွန့်ခွာသွားတဲ့ ယာစကာ

စကားလုံးတွေ တနင့်တပိုးနဲ့
အိပ်မက်တွေထဲက ရုန်းမထွက်နိုင်တဲ့ လူတယောက်
နှလုံးသား ခံစားချက်အစစ်တွေကို ယာစကာလို လိုက်တောင်းခံရင်းနဲ့
အော်ဟစ်ငိုကြွေး
သူ လူ့ဘဝရဲ့ အခြေအနေမှန်ကို တွေ့သွားခဲ့တယ်.......
ရွှေရည်စိမ် အသည်းတွေရယ်
စိန်စီထားတဲ့ အတွေးတွေရယ်
ပလက်တီနမ် ကွပ်ထားတဲ့ အိပ်မက်တွေရယ်........
သူ့ရင်ထဲမှာ မောဟိုက်သွားတဲ့ အသက်ရှုသံ
မေ ျှာ်လင့်ချက်မဲ့သွားတဲ့ အိပ်မက်
ရွံ့ရှာမှု စိတ်ကုန်မှု စိတ်ပျက်မှု အပြည့်နဲ့သူပြောတယ်
သူခရီးတခု ထွက်တော့မယ်တဲ့.............
ဝေးလွန်းလှတဲ့ အတွက် သူ့ကိုယ်သူတောင်
ဘယ်ထိသွားမယ်ဆိုတာ မပြောတတ်တော့ဘူး
ဘယ်တော့ ရောက်မလဲဆိုတာလည်း သူမပြောတတ်ခဲ့ဘူး...........
သေချာတယ်
အဲဒီနေရာ
မင်းတို့လို စိန်စီသံတွေကို မက်မောတဲ့သူတွေ မရှိဘူး
ခံစားချက်တွေကို ချိန်ခွင်စက်မှာတင်ပြီး ရောင်းတဲ့သူမရှိဘူး
ဝိသမ လောဘမရှိဘူး........
ရှာမတွေ့နိုင်ဘူးဆိုတဲ့ စကားတွေအစား
သူကတော့ ယုံကြည်ချက်တွေနဲ့ အဲဒီ ခရီးကို ဆက်သွားတယ်
တနေ့နေ့တော့
ဒီခရီးငါရောက်လိမ့်မယ်လေ..............

လူမော်
( ၂၀၁၀ ဇွန် ၁၀၊ သန်းခေါင် ည ၁၂ တိတိ)

Friday, June 04, 2010

ဈာပနပွဲ


နောက်ဆုံးနှုတ်ဆက်ခြင်း
စကားလုံးတွေက အေးဆေးပြတ်သားခြင်း...
လိုက်ပို့သူရယ် ငါတယောက်တည်းရှိတဲ့ ဈာပန
ငါ့နှလုံးသားမှာ နင့်ကို သဂြှိဟ်လိုက်ရတော့မယ်
အိုမာခယမ်လို ပေါင်မုန့်တယှက်မရှိဘူး
ဝိုင်တခွက်မရှိဘူး
ငါ့မှာရှိနေတာ အတ္တပါးပါးရယ်
အမှတ်ရစရာ အတိတ်ခပ်ဝါးဝါးရယ်
မိုးပြာပြာကောင်းကင်အောက်မှာမဟုတ်ဘူး
လေထဲကဖယောင်းတိုင်သီချင်းကို ဘယ်သူမှ မဆိုဘူး
ကိုကျော်သူနဲ့ အပေါင်းအပါတစုတွေ မရှိဘူး

အတိတ်တွေထဲမှာ အိပ်မက်တွေ သိပ်မများဘူး
ဘယ်အသားထဲကမှလည်း လောက်မထွက်ဘူး
ခိုင်မာတဲ့ ငါ့ဆုံးဖြတ်ချက်နဲ့
နင့်ကို ငါ့နှလုံးသားမှာ မြေမြှပ်ပစ်ဖို့ စိတ်ကူးမရှိဘူး
နင့်ကို သဂြှိဟ်လို့ နင့်ရဲ့ ပြာတအိုးကို
ဟိုးအနက်ရှိုင်းဆုံးမှာ မြှပ်ထားလိုက်မယ်
ဆရာတင်ပြောသလို အချစ်ညှောင့်ဖြစ်ရင်လည်း
နှုတ်မရတဲ့အတူတူ တခါတရံ သတိတရရုံနဲ့ပဲ
မေ့မေ့ပျောက်ပျောက် ရှိပါစေတော့

ဒီခရီး ဒီလမ်းမှာ ဖြောင့်ဖြောင့်တန်းတန်းလျှောက်လို့
ဘယ်ရင်မှာပဲနင် ရှင်သန်နေပါစေ
ဒီရင်မှာတော့ နင့်ရဲ့ ဈာပန ဒီနေ့ချခဲ့တယ်
အဆုံးမသတ်လည်း နှုတ်ဆက်လိုက်မယ်……..

လူမော်
(04/06/10   6:03PM)

Thursday, June 03, 2010

ကောင်းကောင်းနေချင်ရင် ကောင်းကောင်းနေ


ကျွန်တော့်အဖေ မကြာခဏပြောတတ်တဲ့စကားလေးပါ။ နောက် ကျွန်တော့်ဆရာ့တယောက်ရဲ့ လက်စွဲစကားလည်း ဖြစ်ပါတယ်။ ဒါပေမယ့် နည်းနည်းတော့ ပြောပုံလေးကွာတယ်။ ကျွန်တော့်အဖေပြောနေကျက "ကောင်းကောင်းနေချင်ရင် ကောင်းအောင်နေ" တဲ့။ ဆရာပြောတတ်တာကတော့ ခေါင်းစဉ်လေးအတိုင်း "ကောင်းကောင်းနေချင်ရင် ကောင်းကောင်းနေ"။

ရုတ်တရက်တော့ ဖတ်ကြည့်လိုက်တာ အင်း ရွဲ့များပြောနေသလိုပါပဲ စဉ်းစားကြည့်လေ ပြောထားပုံကိုက ကောင်းကောင်းနေချင်ရင် ကောင်းကောင်းနေတဲ့။ အဲဒါတော့ သူပြောမှလား ကိုယ်လည်း သိတာပေါ့ ကောင်းကောင်းနေချင်မှတော့ ကောင်းကောင်းနေတာပေါ့။ စကားရဲ့ နောက်ကွယ်က အတိမ်အနက်ကို ငယ်ငယ်က မစဉ်းစားမိခဲ့ဖူးပါဘူး။ ဟုတ်ပါတယ် ကောင်းကောင်းနေချင်ရင် ကောင်းကောင်းနေရပါတယ်။ ကောင်းကောင်းနေခွင့်ရဖို့ အဲဒီလူဟာ ကောင်းကောင်းနေရပါတယ်။ ပြောရင်း စကားရှုပ်သွားလားမသိဘူး။

သူ့စကားရဲ့ မြှပ်ကွက်က ကောင်းကောင်းနေချင်ရင် ကောင်းကောင်းနေ။ ကောင်းကောင်းနေခွင့်ရဖို့ ကောင်းကောင်းနေရတယ်ဆိုတဲ့ အကြောင်းပါ။ ကောင်းကောင်းနေခွင့်ရဖို့ ကောင်းကောင်းနေရတယ်ဆိုတာ ဘာလဲ။ ကျွန်တော်တို့ ကျောင်းသားအရွယ်မှာ စာကြိုးစားရပါတယ် တကယ်ဆို စာကြည့်ရတာ ငြီးငွေ့ဖို့ ကောင်းပါတယ် ဒါဆို ဘာလို့ ကြည့်သတုန်း ကောင်းကောင်းနေခွင့်ရဖို့ပါ။ ပညာတတ်ဖြစ်တော့ ဘာပဲဖြစ်ဖြစ် အလုပ်လုပ်ရရင်တောင် အမိုးအကာအောက် အဲကွန်းခန်းထဲမှာ အေးအေးဆေးဆေး အလုပ်လုပ်ရပါတယ်။ အဲဒါကို ကျောင်းသားဘဝမှာ ကောင်းကောင်းနေတယ်လို့ ဆိုပါတယ်။

အလုပ်လုပ်တဲ့ အခါမှာကော ဥပမာ ကျွန်တော်တို့ သူများဝန်ထမ်းလုပ်နေတယ်ပဲ သဘောထား ကျရအောင်ပါ။ အလုပ်ကို ပုံမှန်သွားရပါတယ်။ ကိုယ့်အလုပ်ကို ပြီးအောင် လုပ်ရပါတယ်။ အလုပ်ကို ကြိုးစားပြီးလုပ်ရပါတယ်။ တကယ်တမ်း တဖက်က ကြည့်ရင် အလုပ်ကို ပင်ပင်ပန်းပန်းလုပ်ရတာ ကောင်းတာလားလို့ တွေးစရာပါ။ ဟုတ်တယ်လေ အလုပ်လုပ်ရတာ ဒီလောက်ပင်ပန်းတဲ့ ကိစ္စ ဘာလုပ်ဖို့ ပင်ပင်ပန်းပန်းလုပ်မှာတုန်း ကောင်းကောင်းနေဖို့ပါ။ အလုပ်ကြိုးစားခြင်းရဲ့ အသီးအပွင့်တွေကို ခံစားဖို့ပါ။ ယေဘုယျပေါ့နော် အလုပ်ကြိုးစားရင် ရာထူးတက်မယ် လခတိုးမယ် ဝင်ငွေများမယ်။ ဝင်ငွေများရင် ဘဝမှာပိုပြီး သက်တောင့်သက်သာနေနိုင်မယ် ကောင်းကောင်းနေနိုင်မယ်။ မိဘကို ထောက်ပံ့နိုင်မယ် ကြွေးမြီဟောင်းကိုလည်း ကောင်းကောင်းဆပ်နိုင်မယ် ကြွေးမြီသစ်ကိုလည်း ကောင်းကောင်းချနိုင်မယ်။

အိမ်ထောင်ကျလာတဲ့ အခါလည်း လူတယောက်က ကောင်းကောင်းနေနိုင်ဖို့ ကောင်းကောင်း နေရပါတယ်။ ကိုယ်နဲ့ သွေးမတော် သားမစပ်ပေမယ့် ကိုယ်လက်ထပ်တောင်းရမ်းပြီး ယူထားတဲ့ ကိုယ့်အမျိုးသမီး ကိုယ့် ဇနီးမယားအပေါ်မှာကို သစ္စာရှိရပါတယ်။ အမျိုးသမီးများဆိုရင်လည်း ထိုနည်းတူပဲ ကိုယ့်ရဲ့ အိမ်ဦးသခင် လင်ယောက်ျားအပေါ်မှာ သစ္စာရှိရှိထိန်းသိမ်းရပါတယ်။ ဘာလို့တုန်းဆိုတော့ ကောင်းကောင်းနေရဖို့ပါ။ မဟုတ်ရင် ပဋိပက္ခတွေ ရန်ပွဲတွေနဲ့ အိမ်ထောင်တခုဟာ ပျော်ရွှင်ဖွယ်ထက် စိတ်မချမ်းမြေ့ဖွယ်ရာ ကောင်းနေပါလိမ့်မယ်။

စိတ်ထဲမှာ ပျင်းရိငြီးငွေ့တဲ့အတွေးတွေ ဝင်နေတိုင်း၊ ပေါ့ပေါ့နေတဲ့ စိတ်ထားတွေ ဝင်လာတိုင်း အဖေနဲ့ ဖုန်းပြောဖြစ်ရင် အဖေ့ဆီက ကောင်းကောင်းနေချင်ရင် ကောင်းအောင်နေဆိုတဲ့ စကားလေ တခွန်းကြားတိုင်း ပျင်းရိငြီးငွေ့မှုတွေကြားက လန့်လန့်နိုးလာတယ်။ စိတ်ထဲမှာလည်း အကြိမ်ကြိမ် အဖန်ဖန် ပြန်ရေရွတ်မိတယ်.......

......ကောင်းကောင်းနေချင်ရင် ကောင်းကောင်းနေ......

Tuesday, June 01, 2010

ဆန္ဒ တလွဲနဲ့ ဆုတောင်းအတိုက်အခံ

နင်ကလည်း နင်ချစ်တဲ့ နင့်ချစ်သူရဲ့ အချစ်ကိုရဖို့
ဘုရားသခင်ထံမှာ ဆုတောင်းတယ်
ငါကလည်း ငါချစ်တဲ့ နင့်ရဲ့ အချစ်ကို ရဖို့
ဘုရားသခင်ထံမှာ ဆုတောင်းတယ်
ဘယ်ဆုတောင်းကို ဘုရားသခင်ဖြည့်ပေးမှာလဲ……
ဆုပေါင်းတထောင်တောင် မပြည့်တဲ့
ထီပေါက်စဉ်အတွက်
လူ သိန်းသောင်း ဝိုင်းဆုတောင်းကြတဲ့ အခါ
ဘယ်သူ့ဆုတောင်းကို ဘုရားသခင် ဖြည့်ပေးမှာလဲ………
တောင်းတဲ့ဆုပြည့်စေလို့ ဆိုတဲ့အခါ
ငါချစ်တဲ့ နင်ကလည်း ငါ့ကိုချစ်
နင်ချစ်တဲ့ နင့်ချစ်သူကလည်း နင့်ကိုချစ်နဲ့
ကြာကူလီဇာတ်လမ်းတွေ
နှစ်ပင်လိမ် သုံးပင်လိမ်ဇာတ်လမ်းတွေ မှိုလိုပေါက်လာလိမ့်မယ်………
အာဏာမြဲဖို့ ယတြာချေသူနဲ့
အုပ်ချုပ်သူပြောင်းဖို့ ဆုတောင်းသူ
ဖြေရှင်းသူက စစ်ပွဲဖြစ်လာတယ်…….
အကြမ်းဖက်မှုဖြစ်လာတယ်………
ဘုရားသခင်ကတော့ အကျီစားသန်ခဲ့တာမဟုတ်ပါဘူး
ငါတို့ကိုယ်တိုင်ကပဲ ဆန္ဒတွေကို
အထားအသို မတတ်ခဲ့တာ…………….

လူမော်