ငါတို့ လူတွေ
အေးချမ်းစွာ အသက်ရှင်ဖို့အရေး
ငါတို့တွေလေ
တိမ်တွေကို အဆိပ်ခတ်
သူတို့ ကိုယ်တွေမဲတက်လာပြီးတော့မှ
ပြိုကျပျက်လာတဲ့ သူတို့ခန္ဓာရဲ့ အစိတ်အပိုင်းတွေကို
အေးချမ်းမှုလို့ ခေါ်တွင်
ငါတို့ ပျော်ရွှင်ခဲ့ကြတယ်
ပြီးတော့.....
ခေါင်းစဉ်လေးတပ်လိုက်တယ်
အဲဒါ မိုးရွာတယ်လို့ ခေါ်တယ်တဲ့........
သူတို့သွေးသားရဲ့ အောက်မှာ
ငါတို့တွေလေ ပျော်ရွှင်လိုက်ကြပုံများ
"မိုးရွာရင် မိုးရေချိုးမယ်ဆိုတဲ့" သီချင်းလေးတွေတောင်
ညည်းကြလို့ပေါ့....
မေမေလာရင် နို့စို့မယ်လို့ ငါတို့ဆိုချိန်
ဖေဖေလာရင် အုန်းသီးခွဲစားမယ်လို့ ငါတို့ဆိုချိန်မှာ
ပြိုပျက်သွားတဲ့ သေဆုံးသွားတဲ့ အဲဒီ တိမ်တိုက်အတွက်
သူတို့ မိခင် ဖခင် ဘယ်လောက်တောင် ရင်နာနေမလဲဟင်......
ဝမ်းနည်းပေမယ့် စာနာပေမယ့်
ပေးသွားတဲ့ မင်းအသက်အတွက်
လူသားတွေကိုယ်စား
ငါ ကျေးဇူးတင်စကားဆိုလိုက်ပါတယ်.....
မမေ့ပါနဲ့ မိုးတိမ်ရယ်...........
