ကမ်းပါးမှာပဲ ပေါက်ချင်ခဲ့တဲ့ သစ်ပင်မို့
အမြစ်တွေ နှင်ထွက်
ရေစီးနဲ့ မျောချင်ရက်တယ်ဆိုလည်း
ဘယ်တတ်နိုင်ပါ့မလဲ.......
တည်တည်တံ့တံ့နဲ့
ရှင်သန်နိုင်တဲ့ ကမ်းတခုရှိပေမယ့်
သူ့အမြစ်တွေကိုက
ဟိုကမ်းကပ်ချင် ဒီကမ်းကပ်ချင်ဆိုမှတော့
ခုတ်ထွင်မရှင်းပါဘူး
သူ့ဟာသူ ရေစီးအလျဉ်နဲ့
မျောလိုက မျောစေပေါ့.......
တြိဂံတွေထက် စာရင်တော့
အပေါ်မရောက်ရင်နေ
ကျွန်တော်ကတော့ လမ်းဖြောင့်ဖြောင့်ပဲ လျှောက်တယ်........
နေဦး
(၂၂ နိုဝင်ဘာ ၂၀၁၀၊ ညနေ ၅း၂၃)
