ကဲ....
ဒီမယ် မိန်းမရယ်
အသက်လည်း ၄၀ကျော်ပြီ
မင်းက ခုမှ ဘာစိုးရိမ်နေရတာတုန်း....
မင်းကိုငါ ဘယ်လောက်ချစ်တယ် မချစ်တယ်
လက်ထပ်တုန်းက တိုက်တလုံး ကားတစီးတင်တောင်းခဲ့တာလေ
လုပ်ငန်းရှယ်ယာတွေက ထားပါ ထည့်မပြောတော့ပါဘူး......
မင်္ဂလာပွဲတုန်းကလည်း
သူ့ခေတ်သူ့အခါ အခမ်းနားဆုံးဖြစ်အောင် လုပ်ခဲ့တာမလား....
ခုဆိုလည်းကြည့်လေ
မင်းလိုချင်တဲ့စိန်
မင်းပြောတာ ဘယ်နှကာရက်တဲ့
ငါလည်း မမှတ်မိတော့ပါဘူး ငါ ဘယ်မှာငြင်းဘူးတုန်း
မင်း အိတ်ကို LV မှ ကိုင်ချင်တာဆိုလို့
စင်ကာပူကို ဈေးဝယ်သက်သက်ထွက်ကြတုန်းကကော
ငါ ဘယ်နှခါ တွန့်တိုဘူးလို့တုန်း........
သံယောဇဉ်ဆိုတာ ရှိလွန်းလို့
ကြည့်စမ်း ဟောဒီမှာ မင်းနဲ့ငါနေဖို့
ဆောက်ထားတဲ့အိမ်ကြီး
နန်းတော်လားထင်ရအောင် ဟီးနေတာပဲ
မိန်းမရယ်
အဲဒါနဲ့များ.........
....ကိုကိုရေ ကိုကို ဖုန်းလာနေတယ် ကိုကိုရေ......
ဟယ်လို
သဲလေးလား
အေးအေး အင်း ညတွေ့နေကြအိမ်မှာပဲလေနော် အေးအေး
ဒီမှာ ဦးရဲ့ မိန်းမကွယ် သူ့ကို မချစ်ပါဘူးပြောနေလို့ ပြန်ရှင်းပြနေတာ
ဒါပဲနော် သဲလေး
ညကျမှတွေ့မယ်
.......
ဒီမယ် မိန်းမရယ်
မင်းကို ငါ ဘယ်လောက်ချစ်
ဘယ်လောက် သံယောဇဉ်ကြီးတာ မင်းသိပါတယ်.....
နေဦး
(၂၀၁၀ နိုဝင်ဘာ ၁၊ နေ့လည် ၁း၀၇)
